DA_MASTER'S PRODUCTIONS

Click here to edit subtitle

Forum

Post Reply
Forum Home > General Discussion > pwezi m se frčt politisyen

grojan
Member
Posts: 1

pwezi m se mo kap benyen nan basen dlo je m

 

anba gwo solèy nap mache sou chemen lavi kod lombrit nou mare ak vantrès bannann pou nal chèche moso lemba pou nou kase lezo ak tout gouyad lamizè n nan degwen nou nap tann lonè ak respè.

 

Van an vante kabare peyim

chavire jete tout neg save

nan poubel inperyalis

van an vante ak gwo lapli

pou lave chodye memwan

nan mitan 3 roch dife lavi.

lavi tet anba tankou zombie

kap mache nan founo soley midi

sel chen je lasi ki ka we langelis

ak zetwal kap file nan basen

grenn je chretyen vivan

devan barikad lamize ,kidnapine ,

okipasyon, touristha ,insekirite,

nan lakou Papa Desalyn ak Tousen louveti.

pase isit ,pase lot bo , na kontre

nan kafou eleksyon pou limen 3 balene

nan fistiwann polisyen magouyè

kap bave krache mo klerin

nan lakou kay malere

ak gwo kout pete lespwa

nan vizaj moun serye

hum zakata -w fe kla-w

nan ginen tande wa tandeeeeeee

eeeeeeeeeeeeeeeeeeeeeeeee

 

lespwa dezespwa

Nou bwè pwa

nou tout bwè pwa

anba laparoli neg foli ti chen

ti chen piti devan nasyon dezini

ap chache zo pouvwa

pouvwa san lafwa

pote femen tout pen rasi

vini reyini anba drapo inite

pou yo ka brase ,

brase nap brase

move zè

koukou tout koulè

ap fe lanavèt tankou mannken

pou ka jwenn gras nan eleksyon chanpwèl

eleksyon kap akouche reken

sim pa rele ma toufe

m bezwen kote  pou respire

balan mannan paleman

nap fè koutay korekteman

Onè respè pou desalyn

Men boulva lasalyn

tounen alilyn

pour le drapeau mourir est beau

Men nou tout  ap kouri al viv lot dlo

Nou mele

nou pran zen

nou pa konn nan ki chemen

pou nou kenbe chwal malen

yo di nou se nan chemen jennen

pou nou kenbe poulen

pou nou ka fe li konnen

ayiti pa pou vann

Men pouki  nou lote tankou patat

nan banm kokorat

pou lamize ka vinn bat kat

sa ki konnen ayiti trete nou

 tankou moun fou

yo di nap sevi relijion vodou

nou vole kou lougarou

Men yo pa konn kijan nou plen lanmou

Lakay nou resevwa moun tankou chouchou

Onè respè ak yon tas kafe

m anform tankou yon ane

m pa bezwen pale de maiz  st marc

 ki ka metem  anfom kou kamyonet

ak lambi mwen vinn chofe

tankou yon bwa dife

bo lanme map pran plezim

ak dlo kokoye map jwi la vi m

malfektè kite peyi m mache

pou m  ka al viv san ke sote

pou tout tan gentan

amen !!!!!!!!!!!!!!!!!!!

 

 

 

 

jean enoch sainca

 

 


--
December 23, 2009 at 9:00 PM Flag Quote & Reply

AL
Site Owner
Posts: 45

GOOD JOB TIJAN

BRAVO, NAN FISTIWEL POLITISYEN MAGOUYE YO

--

MASTA 4 LIFE

December 23, 2009 at 9:25 PM Flag Quote & Reply

You must login to post.